DFM News: Kada tinan Prezidente Repúblika fahe kondekorasaun ba jornálista estranjeiru ne’ebé uluk halo kobertura kona-bá timor-leste ninia prosesu luta ba autodeterminasaun, maibé prezidente repúblika, José Ramos Horta, haluha timoroan sira ne’ebé mak uluk mos halo kobertura ba Timor ninia luta ba ukun rasik an.
Governantes ninia sentimentu tristeza ne’e espresa bainhira hatan, jornlaista senior no Diretora One Timor Suzana Cardoso, ninia pergunta konaba prezidente republika kondekora de’it jornalista estraneiru sira.
Jornalista senior, lansa pergunta ba vise ministru asuntu parlamentar durante meet the press ne’ebé realiza iha ámbitu komemorasaun tinan 50 trajedia Balibo five.
“ Husi parte ha’u nian, balun hetan ona kondekorasaun balun seluk sedauk, Ita boot sai hanesan sasin ida hanesan jornalista ida iha momentu ne’eba oinsa bele haree ba asunti ne,e” suzana.
Vise Ministru Asuntu Parlamentar, Aderito Hugo, espresa ninia sentiment tristeza ba prezidente republika ne’ebé seidauk konkodera jornalista timoroan lubuk ne’ebé uluk halo kobertura ba timor ninia prosesu luta ba libertasaun.
“Ita haree liu ba jornalista sira tinan ida mak mosu mai iha Dili tanba de’it nia kulit mutin ko’alia ingles portugues nia bele sai ona eroi, ita fo medulla nivel altu ba sira iha serimonia boot sira, maibe ita la haree situsaun rejime Suharto too reformasi oinsa papel ativista sira iha tempu ne’ebá,” Vise Ministru kestiona.
Hatan ba preokupasaun ne’e Vise Ministru Asuntu Parlamentares, rekorda, Timor ne’e taka metin husi komunidade estranzeira sira inklui jornalista, antes ne’e ema la livre halo kobertura iha momentu ne’eba.
Momentu ne’eba Timor iha média ida hanaran Suara Timor Timur, halo politika redasaun ida ne’ebe livre maske iha tempu ditadura tanba media ne’e mos koopera ho midia sira iha Indonesia hodi publika timoroa ninia aspirasaun maibé estadu la kondekora ninia jestor sira.
“Medalla sai husi Aitarak laran ba de’it aktivista sira iha liur, ita nunka atu hanoin atu konsidera joralista timoroan iha okupasaun ne’e laiha liu,” governante kestiona ho triste.
Tenke apresia papel Suara Timor Timur iha tempu ne’eba masakre lobuk ida sai husi sala redasaun ne’e.
Jornalista: Ligia Noronha
