DFM News: Iha Sigunda foin lalais, Sekretária Estadu ba Igualdade (SEI), liuhusi asina Memorandu Etendimentu (MoU) ho parseiru internasionál-UNDP hodi hametin lasu amizade atu implementa program iha prosesu apoiu hakotu violensia kontra feto no labarik.
Objetivu aplika estratéjia abordajen Integrada Jeneru asegura polítika, lei, program no orsamentu hodi promove igualdade jeneru no inkluzaun hodi prevene no kombate violensia hasoru feto no labarik feto no hakbiit mos ekonomia.
“Ita hotu hatene liña ministeriais durante ne’e barak mak implementa hela program ne’ebé promove hele igualdade jeneru,”hatete Sekretária Estadu ba Igualdade, Elvina Sousa Carvalho, iha Salaun Maria Gorette, Kaikoli, Dili, Sigunda, (6/10/2025).
Progrma ida ne’e hetan apoiu finansial husi Uniaun Europea, tanba ne’e kooperasaun ne’e importante no estrateziku tebes atu avansa igualdade jeneru iha Timor Leste, tanba ne’e instituisaun publiku hotu tenke promove program ida ne’e.
SEI hanesan instituisaun Estadu ho nia papél atu koordena no monitoriza komprimisu igualdade jéneru no inkluzaun implementa iha nível hotu-hotu no SEI foka mak instituisaun estadu, governu no privadu nian atu aplika estratéjia Abordajen Integradu Jéneru (AIJ). Hodi promove partisipasaun feto iha polítika no pozisaun foti desizaun iha nivel hotu-hotu.
Jornalista: Eufrasia da Costa ho Xistu Punef
