DFM NEWS: Sekretáriu Estádu no Igualdade (SEI) hamutuk ho parseiru Internasionál (UN-Women Timor-Leste-Sigla English ), organiza Konsultasaun Nasionál kona-bá ekonómia Kuidadu iha Timor-Leste. Ho Objetivu hakbi’it feto hodi dezenvolve polítika no estratéjia sira hodi promove igualdade jéneru no inkluzaun sosiál hodi hasa’e kapasidade ekonomia feto.
Sekretária Estadu Igualdade, Elvina Sousa Carvalho hatete, atu dezevolve polítika no estratéjia sira ne’e atu rekoñese, hamenus no hadi’a fali servisu domestika ne’ebé la selu hodi Promove Igualdade Jeneru.
“Solusaun responsivu ba jeneru ne’ebé ita aspeita husi konsultasaun nasionál ne’e mak atu dezenvolve no advoka ba polítika sira ne’ebé rekonse hamenus no fahe kuidadu no servisu doméstika ne’ebe la selu,”dehan Ezekutivu ne’e ba jornalista sira, iha Hotel Novu Turizmu, Tersa-feira (30/09/2025).
Tuir Membru governu ne’e katak, programa ne’e hanesan pasu importante ida hodi kria sistema kuidadu nasionál ida atu suporta feto, labarik no ferik katuas sira.
Tanba program ida ne’e mos sei esforsu sensiblizasaun nasionál atu hasa’e kompriensaun kona-ba importasia ekonomia kuidadu nian ba dezenvolvimentu sustentavel no igualdade jeneru no esplora dalan prátika sira atu itegra servisu kuidadu iha setro Xave sira ia responde ba obstaklu sira igualdade jeneru.
Programa Konsultasun Nasionál ne’e hetan apoiu husi organizasaun Internasionál UN, suporta mós husi ESCAP Rejionál Pasífiku no involve mós parseiru governu, sosiedade sivil setór Privadu no Parseiru Dezenvolvimentu sira.
Jornalista: Xisto Punef
