Maubise-Média DFM: Relasiona ho loron Mundiál juventude, Aluminium Parlamentar Fóin Sa’e Timor-Leste (APFTL), halibur grupu produtór sira husi munisipiu 12 loke feira iha, fatin turistika ne’ebé lokaliza iha Rabilau, Postu Administrativa Maubise, Munisipiu Ainaru.
Reprezentante APFTL Domingos Araujo, hatete, atividade espozisaun ida ne’e ho objetivu atu promove fatin turistika Rabilau ne’ebé ho nia paisazem ne’ebé furak no promove grupu joven produtór sira husi munisípiu hotu.
“Ami hili fatin Rabilau tanba estartéjiku tebes atrai turista sira mai vizita, ami mos halibur grupu produtór sira mai loke espozisaun ne’e hodi bele hatudu katak timoroan sira iha kreatividade halo produsaun hodi ajuda dezenvolvimentu ekonomia rai laran, ”dehan Membru Parlamentu Fóins Sa’e ba jornalista sira Rabilau, Maubise Kuarta (13/08/2025).
Reprezentante OXFAM Timor Leste, Adilson Junior, hatutan, atividade espozisaun ne’e atu ajuda di’ak liutan komunidade agrikultór sira, liuliu joven sira hodi hatudu ba ema katak Timor mós iha fatin potensiál barak.
“Ita timoroan ita tenke promove iha potensiál turistika komunitária no ita rasik mós iha potensiál no matenek ne’ebé ita iha nune’e ba oin sei dezenvolve di’ak liutan,”tenik Adilson.
Etertantu Xefe Suku Maubise Vila Munisipiu Ainaro,Wilson Nivio Pereira Mendonça Maria, agradese ba APFTL ne’ebé ho inisiativa di’ak hodi realiza atividade espozisaun ne’e, tanba ajuda grupu jovens agrikultura hodi mellora iha futuru.
“Ami simu imi ho kontenti ho atividade ne’e bele kontribui hodi fó biban ba joven sira iha Maubise hodi hamosu inovasaun oioin,”hatete Xefe Suku ne’e.
Xefe Suku Maubise ne’e agradese, liuhusi atividade nee bele fó apoiu hodi hadia di’ak liután fatin turistika iha Rabilau, ba futuru no imi nia prezensa bele kontribusi hanoin ruma ne’ebé di’ak bele husik hela iha fatin nee aban bainrua ba oin espera governu bele hadia.
Antes hahú espozaisaun, lia na’in sira hamulak tuir lisan Maubise nian nune’e atividade ne’e bele loa ho di’ak.
Molok partesipantes sira atu husik hela Rabilau, lia nain sira husu hotu hotu simu matak malirin nune’e bele too iha idak idak ia fatin ho kondisaun di’ak.
Jornalista: Ligia Noronha
