AINARO -Média DFM: Makina hasai pasiente nia ran kompletu iha Oospital Referàl Maubise, ne’ebè atende pasiente husi Munisipiu Ainaru, Manufahi no Aileu, avaria ona durante fulan tolu ona. Tanba ne’e pesoál saude halo teste pasiente nia ran ho sistema manual hodi hein prosesu manutensaun makina iha Dili.
Diretór Ezekutivu Ospital Referal Maubise, Virgilio Mendonça Pereira, hato’o ona pedidu manutensaun ba autoriedade laboratoriu nasional maibe seidauk iha resposta pozitivu.
“Ami konfirma ona ho nasionál no makina haruka ona ba halo manutensaun,”dehan diretór Ezekutivu ne’e ba jornalista sira iha nia knár fatin Hospital Referal Maubise,Sigunda 11/08/2025.
Iha fatin hanesan, Xefe departamentu Apoiu Klinika Julito Amaral, akresenta, durante makina avaria, sira halo de’it teste manual ba pasiente ne’ebé presiza hasai nia ran kompletu.
“ Kaben tasak pasiente sira hasai prosesa iha liur durasaun 15 minutu hasai tau ketak depois halo anializa ba kaben tasak,”tenik Xefe departamentu.
Tuir dadus, mediku atende pasiente neebe hasai ran kompletu no kabeen tasak husì 25 toò 30.
Durante teste laboratorial, Moras ne’ebé dominante mak Ran menus.
Jornalista: Ligia Noronha
