DILI-Média DFM: Ekipa Nasionál husi Nasaun Portugál rekoñese difisil ba jogador sira atu manan nia advesariu husi nasaun Ángola iha jogu daruak iha Estadium Munisipál Dili.
Treinadór Ekipa Portugál Pedro da Mota Silva rekoñese,susar atu jogadór portugál hetan bola hodi hatama golu tanba ekipa Angola tatika mais forte liu iha kampu laran.
“(Ekipa) Angola forte liu iha jogu, maibé ita iha kapasidade atu auguenta tanba,Angola iha oportunidade barak atu hetan rezultadu manán jogu ne’e, maibé tanba esforsu no kompriensaun ne’ebé ami-nia jogadór sira tenke hasoru jogu sira-ne’e ho 0-0” Treinadór Pedro da Mota Silva ba jornalista sira hafoin remata jogu iha estadium Munisipál Dili tersa (22/07)
Jogu tuir mai,Nia dehan,ekipa portugál sente sei difisil nafatin tanba sei hasoru ekipa forte hasoru nasaun caboverde ne’ebé jogu mais tátika hasoru ekipa TL ho rejulta 4-0 durante minutu 90 nia laran.
“Ne’e mós difisil hanesan tanba Caboverde mós ekipa joga di’ak”dehan nia
Iha fatin hanesan Treinadór Ekipa Ángola Mario Catala hatete,ekipa angola mós parabeniza ekipa portugal tanba ekipa rua konsege jogu mais tatiku liu maibé laiha ekipa ida atu hatama golu to’o 90 minutu remata.
“ jogus tuir mai ita sei koko atu joga ho di’ak liu tan”dehan nia.
Observasaun jornalista DFM iha terenu,ekipa jogadór Ángola domina makaas bola iha kampu laran hodi fó presaun defeza ekipa portugál nian atu hatama golu maibé la konsege.
Jogu primeiru parte ekipa Angola sempre domina kampu no sempre tenta bebeik baliza portugál maibé konsege baku sai husi guarda rede to’o jogu segundu remata ho rejultadu eskor 0-0.
Entretantu iha jogu futebol primeiru ekipa portugál manan ekipa lafaek Timor-Leste ho rejulta 1-0 no ekipa Angola Manan Caboverde ho rejultadu 2-0 no portugál ho Angola hatudu rejultadu 0-0 hodi hein jogu tuir mai iha loron 24 kinta-feira semana ne’e.
Ekipa DFM
