DILI-Média DFM: Ekipa Basketbol femenina husi Angola nafatin lidera ho pontus hitu husi nia ekipa adversariu husi inisiu abertura derota ho ekipa femenina portugal iha loron daruak no ekipa femenina entre Cabo-verde ho Timor-leste.
Treinadora selesaun ekipa femenina Angolana, Ana Lemos Maxhado Manuel, Sente ta’uk maibe realidade hatudu iha 8 rezultadu di’ak ba Ekipa femenina Angolana tanba konsege halakon Kabo-verde ho Timor-Leste iha jogu primeiru no segundo.
“Ohin (kuarta-feira) Ha’u haree jogu dahuluk ne’ebe ekipa Angola hasoru Ekipa kabo-verde ho Timor-Leste ne’ebe mak difisil tebes, Maibe konsege foti pontus hitu husi ekipa kabo-verde ho Timor-leste iha 8 segundos nia laran, hein katak ho rezultadu ne’e di’ak tebes no sei halo di’ak liu tan hodi hasoru fila fali ekipa mocambique” dehan treinadora ne’e iha zinajiu Dili kuarte semana ne’e.
Kapitaun ekipa femenina Timor-leste Rosa Mosa Maria da silva vicente hatete, ekipa lakon ne’e hanesan motivasaun ida atu sira bele hadi’a fali iha jogu tuir.
“Lakon ka manan ne’e la problema jogu iha ida manan no ida lakon, no lakon ne’e hanesan motivasaun ida ba ami atu haka’as an atu la’o ba oin fiar katak, ba oin ami sei di’ak liu tan ida ne’e”tenik nia.
Esforsu hotu-hotu,Nia dehan,ekipa halo maibe labele ultrapasa vitoria ne’e tanba, fizikamente sira labele kompete husi ekipa Angolana tanba sira nia fiziku di’ak liu duke Timor-Leste.
“Kompara ita nia isin la hanesan ho malae sira tanba sira nia idade ne’e mak ki’ik ho ita hanesan maibe sira nia isin ne’e boot liu ita, maibe hirak ne’e hotu ami mos la tauk no ami koko joga ho sira” tenik Rosa.
Entre tantu iha jogu Femenina ne’e, Timor-leste lakon ho Mocambique 0-20 Tomor-Leste ho Angola 3-21 Cabo-verde lakon ho Angola 8-15 No Cabo-verde lakon ho portugal 12-9, ida ne’e mak skor provizoriamente jogu modalidades Basquetbol nian iha loron da ruak nian.
Ekipa DFM
