DILI-Média DFM: Polisia Nasional Timor-Leste sei halo pasa reista ba sidadaun no transporte públiku sira, molok partisipa iha eventu abertura jogu entre komunidade ko’alia lian portugés (CPLP sigla portuges) ba dala 12 entre Timor-Leste ho Portugal iha estádiu munisipál Díli.
Atividade pasa revista husi autoridade seguransa ba sidadaun hotu, nu’udar maneira ida prevene krime no garante estabelidade durante jogu iha Timor-Leste.
Komandante operasaun PNTL, superintendente xefe, Justino Mezes, argumenta, adeptus ne’ebé tama iha estádiu Dili hodi akompaña jogu labele lori sasan kro’at.
“Seguransa voluntariu sira ne’ebe servisu hamutuk ho polisia iha komisaun sei halo pasa revista (check point) ba sidadaun hotu molok tama estadiu. Saida maka segurasan sira hatete tenke kumpre,sasan kroak labele lori tama ba estdiu” dehan nia iha media center CCD kaikoli foin lalais ne’e.
PNTL sei blokeia rute (dalan) temporario ba estrada movimentu durante oras balun durante eventu. No sei loke hikas hafoin eventu refere remata.
Motorista transporte privadu no publiku sira tenke kumpre regras bainhira seksaun unidade tranzitu sira implementa iha dalan.
jogu depostivu CPLP dala 12 ne’e, durante loron 7, hahu husi loron 19 to loron 27 fulan jullu.
Ekipa DFM
