DFM News- Iha Komemorasaun Loron Internasional Feto Rural Ne’ebe Realiza Iha Suku Leimea Kraik, Postu Administrativu Hatulia A, Munisípiu Ermera Fó Hanoin Ba Governu Atu Bele Dezenvolve Di’ak Liu Tan Polítika No Investe Hodi Dezenvolve Feto Sira Nia Abilidade Produs Ai-Han Ne’ebé Mak Nutritivu, Soru Tais Hodi Prezerva Ita Nia Kultura Iha Timor-Leste.
Feto Rural Lusia Moniz, Husu Ba Governante Presiza Tau Matan Ba Feto Rural Atu Kapasita Aan Ho Di’ak Liu Tan.
Alénde Ne’e, Governu Presiza Hadia Infraestrutura Bázika Hodi Fasilita Feto Sira Faan Produtu Iha Merkadu.
“Ami Presiza Tebes Hadia Ami Nia Estrada Ho Di’ak Too Ba Iha Área Rural No Mós Harii Merkadu Agrikultura Nuneel’e Ami Bele Faan Ami Nia Produtu,” Lúcia Husu.
Sekretária Estadu Ba Igualidade, Elvina Sousa Carvalho, Deside Halo Selebrasaun Hamutuk Ho Komunidade Sira Iha Area Rural Ho Feto Sira Iha Baze Hodi Hatene Loloos Realidade Feto Sira Iha Baze, Nune’e Kria Politika Ne’ebé Responde Povu Nia Preokupasaun.
“Ha’u Husu Ba Feto Maluk Sira Iha Timor Laran Tomak, Mai Ita Hotu Kontribui Ba Dezenvolvimentu Nasional Liu Husi Servisu Ne’ebé Maka Iha No Papel Ne’ebé Iha, Sei Sai Inan Ne’ebé Di’ak Hodi Eduka Oan Sira Sai Tos Nain Ne’ebé Maka Di’ak Hodi Produs Ai-Han Ne’ebé Mak Nutritivu, Sei Sai Soru Nain Ne’ebe Mak Di’ak Hodi Soru Tais Prezerva Ita Nia Kultura Iha Timor-Leste”Tenik Elvina Sousa Carvalho”.
Jornalista: Xisto Punef
