DFM News: Komapañia telekomunikasaun Telkomcel, ne’ebé iha koneksaun ho liña internet, disemina informsaun liuhusi empodera digital ba estudante Sekundáriu Balibo Vila nune’e uza internet ho saudavel.
Jerente Servisu Kooperasaun Komunikasaun Telkomcel, Joana Miranda, hatete, fahe informasaun ba estudante sira atu uza internet ho responsavel tanba estudanes mak autór ba dezenvolvimentu.
“Ita hatene era digital mai ho forsa ida ne’ebé makas, tanba ne’e fó hatene ba estudantes atu uza liña internet ho diak, labele sai fali vitima ba teknolojia,”dehan Jerente ne’e ba jornalista sira iha Kampu Balibo Vila, Tersa (13/10/2025).
Tanba realidade estudante balun uza liña internet la halo peskiza maibé uza fali ba buat ne’ebé laiha benefisiu, uza internet atu halo peskiza hodi tulun no eleva sira nia koñesimentu ba materia ne’ebé sira peskiza.
Estudante Cristovão Soares Maia, promete sei utiliza internet ho responsabilidade.
“Ha’u sente kontente hetan ona oportunidade mai tuir ona formasaun ida ne’e, hodi fasilita ha’u, hodi utiliza google tradutor bba liafuan estranzeira ba lian inglesh, ”Cristovão promete.
Estudante Olga Maia, hateten meiu utiliza plataforma dizital hodi buka dadus hafoin partisipa formasaun refere.
“Agora ami nia tempu internet iha fatin de’it ami la persiza tan ba fatin dok hodi halo peskiza, tanba ne’e formasaun ne’e importante tebes ba ami hodi utiliza ho di’ak sei ajuda mós ami nia koñesimentu,”hetete estudante ne’e.
Formasaun kona-ba sensibilizasaun plaforma digital ne’e, Konsellu Imprensa ho SEKOMS koopera ho Telkomcel hodi realiza formasaun ne’e iha ámbitu selebrasaun loron Nasional Liberdade Imprensa ba dala 50.
Jornalista: Ligia Noronha
