DFM NEWS- Reuniaun Plenária Estraordinaria iha loron ohin, parte Jeneralidade deputadu parlamentar sira halo intervensaun ba Proposta lei rua mak hanesan Projetu Lei Nú 10/VI/ (3a) konaba Rejimi Juridiku Siguransa Sosiál ba Titulares no Orgaun sobernaia sira , ho Projetu Dekretu Lei Nu 11/VI/(3a) Revoga Lei Pensaun Mensal Vitalisia ba Deputadus no eis titulares sira.
Tanba ne’e reprezenta Bankada Khunto, deputada Olinda Guturres iha nia intervensaun, husu bankada parlamenta atu vota maoria nune’e halakon totál lei pensaun mensal vitalisia, tanba povu barak mak sei terus.
“Ha’u nu’udar fundadóra Partidu KHUNTO ha’u senti todan, tanba ne’e ha’u konvida bankada PD ho CNRT no bankda parlamentar sira seluk ita hamutuk hodi vota maioria atu nune’e hasai Lei pensaun mensal vitalisia ne’e labele Eziste tan,” deklara Olinda Guturres iha Casa Magna nia laran.
Tuir deputada Olinda katak, Projetu lei rua ne’ebé iha reuniaun kona-ba lei pensaun mensal vitalisia tenke halakon duni no labele eziste tan. Tanba lei ne’e fó regalias oi-oin ba Deputadu sira ne’ebe asentu iha parlamentu Naional no Eis-deputadu sira hodi haluha povu sira ne’ebé sei iha terus nia laran.
Iha diskusaun ne’e Deputada, Olinda Guturres, agradese mós ba Estudante Universitáriu Timor-Leste (EUTL) ne’ebé organiza manifestasaun durante loron tolu, imi mai hanesan reprezenta povu tomak hodi hatoo problema ne’ebe tinan barak povu hasoru. Los duni Lei ne’e merese tenke halakon, tanba nafatin eziste nasaun neneik sei monu rajaun ho osan Pensain Vitalisia halo Governates sira goja nia moris haluha povu nia moris iha baze.
Deputadu CNRT Gabriel Soares, apoiu mós intervensaun husi partidu KHUNTO Olinda Guterres, kona-bá Projetu Dekretu Lei Nu 11/VI/(3a) Revoga Lei Pensaun Mensal Vitalisia ne’e hamos total ho regalias hotu husi primeira legislatura tinan 2002 no ba futuru hamos labele ejiste tan.
“Ha’u husi Bankada CNRT, Ha’u apoiu totál proposta Projetu Dekretu Lei Nu 11/VI/(3a) ne’ebe mai ho nia hanoin katak apaga totál pensaun vitalisia, labele eziste tan Iha Timor-Leste, ha’u lakoi balun ibun dehan hasai maibe liman sorin hakuak hela, ne’e ami laiha konsensu bele konsensu ho povu tanba povu mak Di’ak liu iha rai doben ida ne’e.”deklara Deputadu CNRT Gabriel Soares,”tenik deputadu Gabriel.
Antes tama ba iha votasaun bankada governu kompostu husi CNRT ho PD, mantein desizaun tanba ida ne’e ezijensia Povu nian ne’ebe deside ona iha konkordansia entre Estudante Universitaria Timor-Leste (EUTL) iha loron 17 Setembru semana kotuk, katak Lei Mensal Pensaun Vitalisia tenke halakon totál.
Ekipa Kobertura DFM
