DFM NEWS- Atu Evita Timor-Leste Labele Dependesia De’it Ba Iha Setór Petroliferu, Ixgovernu Hala’o Esforsu Másimu Hodi Apoiu Ba Iha Setór Produtivu Sira Nune’e Bele Diversifika Ekonomia Rai Laran.
Atividade Espozisaun Ne’ebé Hala’o Iha Oekuse Durante Loron Rua Hahú Husi Loron 24-25, Grupu Produtivu Hamutuk 12 Ne’ebé Hola Parte Iha Diskusaun Aberta,Grupu Sira Ne’e Husu Ba Parte Relevante Atu Tau Importánsia Ba Setór Ne’e Hodi Hasa’e Produsaun Rai Laran.No Sira Mós Husu Ba Governu Atu Estabelese Polítika Prosesamentu Produtu Rai Laran No Asesu Merkadu.
Hatan Ba Ejizénsia Husi Grupu Produtivu Sira Ne’e, Sekretáriu Estadu Formasaun Profisionál no Empregu (SEFOPE), Rogerio Araújo Mendonça Hateten, Sei Kontinua Estabelese Subvensaun Hodi Fó Apoiu Fundus Ba Foin sa’e Sira Ne’ebé Hala’o Atividade Empregu no Mós Fasilita Formasaun Ba Foinsa’e Sira.
“Kada Tinan Ami Identifika Joven Ne’ebé Mak Parisipa Iha Sentru Fomasaun No Sira Ne’e Presiza Duni Apoiu Finansiamentu Ruma atu Bele Suporta Sira Nia Atividade,” Dehan Governante Ne’e Bainhira Partesipa Atividade Espozisaun Iha Palaban Oekuse, Kuarta (24/09).
Grupu Sira Ne’e Mós Rekomenda Ba Ministériu Komérsiu No Indústria Atu Kontinua Estimula Foinsa’e Produtivu Sira Liu Hosi Apoiu Orsamentu Ruma Ho Ekipamentu Depende Ba Tipu Negosoiu Nian.
Foinsa’e Kreativu Husi Munisipiu 12 Inklui Raeoa Organiza Atividade Espozisaun Juvenile No Dialogu Aberta Ho Governate Sira, Kona-Ba Polítika No Programa Ba Dezenvolvimentu Setór Produtivu Iha Timor Leste.
Grupu Foinsa’e Produtivu Sira Ne’ebé Hola Parte Iha Iha Espozisaun no Dialogu Aberta Refere Konsidera Núdar Sidadaun Ne’ebé Ativu no Vontade Hakarak Kontribui Ba Polítika Dezenvolvimentu Nasionál Atu Promove Setór Produtivu.
Nune’e Rezultadu Husi Dialogu Aberta Ho Foinsa’e Sira Hamosu Komprimisiu Koletivu Entre Governate no Foinsa’e Produtivu Hodi Fó Apoiu No Promove Setór Produtivu
Enkuantu Espozisaun Ne’e Organiza Husi Ajénsia Sira Hanesan Oxfam Iha Timor-Leste, Mata Dalan Institute (MDI), Alumni Parlamentu Foinsa’e Timor-Leste (APFTL), Timor-Leste Organic Fertiliser (TILOFE), Ermera Ai-Kulat, Asosiasaun Jornalista Timor Lorosa’e (AJTL), Mutin Organiku (EAMO), Forum Juventude Defisiensia Ermera (FJDE).
Jornalista : Eufrasia da Costa
