Maubise-Média DFM: Sekretáriu Estadu Kooperativa (SEKoop) ,Arsenio Pereira da Silva, husu ba grupu produtór sira iha munisípiu hotu, atu husu apoiu direta iha ninia knaar fatin iha Dili no liuhosi funsionariu SEKOP sira iha kada munisipiu.
Sekretáriu Estadu Kooperativa (SEKoop) ,Arsenio Pereira da Silva, hatete, hanesan membru governu ne’ebé haree ba asuntu koperativa, pronto fasilita produtor sira, tanba sira nia rendimentu mai husi produsaun ne’ebé sira produs, hodi sustenta familia nia moris.
Atu grupu produtór ne’e ejiste nafatin, SEKoop muda ona estratézia balun atu grupu sira ne’e labele dependente ba projetu husi ajensia sira, tanba projetu ajensia bainira remata, grupu mós fahe malu.
“Hau ko’alia ona ho sira nia Xefe Grupu presiza buat ruma koalia ho ha’u nia staff tekniku sira ho mos funsionariu destakadu sira ne’ebe iha munisípiu hodi mai akompaña sira,’dehan Membru Governu ne’e ba jornalista sira,bainhira hala’o vizita direita ba grupu produtór Estrawberry Maubise, Tersa (12/08/2025)
Governante ne’e esplika, Prosesu atu sai koperativa mak primeiru tenke sensibliza importansia programa governu liga ho koperativu, atu sai koperativa tenke iha estutu ne’ebé klaru tuir dekretu lei koperativa nian depois mak sei hetan fórmasaun bazika hodi deside hanesan koperativa, bainhira los ona SEKoop mak sei fó pose hodi fasilita iha rezistu notariadu nune’e organizasaun rezistu iha nia legalidade.
Totál orsamentu iha 2025 transferensia publik iha SEKoop hamutuk $Milaun 1,85 apoia ba grupu no asosiasisaun koperativa ne’ebé sai hanesan benefisiariu hodi fasilita sira nia atividade.
Jornalista: Ligia Noronha
