AINARO-Média DFM: Ospitál Referál Maubise ba dadaun ne’e infrenta menus ekipamentu hodi atende pasietes sira, tanba ne’e ospitál empresta makina RAIU-X husi Organizasaun Internasionál Naun Governamental-IOM hodi apoia servisu.
Tekniku Aliadu departamentu Radiolojia, Sandra Martins de Orleans, esplika, Institutu Nasionál farmásia produtu no medikamente Institutu Publiku dadaun ne’e sei empresta hela makina husi IOM hafoin oferese ba pesoál saude iha departamentu Radiologia.
“Makina Raio-X Unidade Rua Iha Ospital Referal Maubise Avaria Durante Tinan Rua Nia Laran Maibe Governu La Halo Manutensaun tanba ne’e mak ami empresta husi IOM hodi fasilita ami durante ne’e,”dehan Teknika Aliadu ne’e, ba jornalista sira iha nia knar fatin Maubise, Sigunda (11/08/2025).
Tekniku Aliadu Radiolojia ,Sandra Martins fundamenta, kada loron sira atende pasiente nai’in lima husi munsipiu Manufahi, Aileu no Ainaru mak halo konsulta iha sira nia departamentu radiologia.
Maibé antes ne’e, governu utiliza orsamentu apoiu Corona Virus nian hodi sosa makina RAIO-X foun maibé utiliza la to’o tinan ida avaria.
Makina Unidade Rua Neebe Avaria oras ne’e abandona iha Sala Departamentu Radiologia Nian, to’o ferruzen maiibe Governu la halo manutensaun.
Iha sorin seluk diretor Ezekutivu Ospital Referal Maubise Virgilo Mendonça Pereira, imforma ba jornlista sira katak, iha ospital referal mabuise la iha problema tanba iha medikametu no ekipamentus saude sufisiente hodi atende pasientes.
“Kona-ba ekipamentu iha ami nia ospitál referral sufisiente hela hodi atende pasiente sira, karik iha moras ne’ebé grave ami sei transfere kedan ba iha Ospital Nasionál Guido Valadares,”dehan director Ezekutivu Ospital Referal Maubise.
Ba dadaun ne’e total médiku espesialista estranzeiru na’in 5, espesilaista ba obstetrika no Ginekolojia na’in 1, médiku jerál na’in 3, tékniku laboratóriu na’in ida.
Jornalista:Ligia Noronha
