DILI-Média DFM: Deskonfia iha manipulasaun idade husi jogadór iha Jogu daruak ekipa Lafaek Futebol Timor-Leste ne’ebé derota tan ho nia adversariu husi ekipa Caboverde ho rejultadu 4-0 durante minutu 90 nia laran
Treinadór futebol TL Efren Casamiro deskonfia komisaun jogu CPLP tanba iha manipulasaun idade ba jogador sira iha kompetisaun refere.
“ha’u ladun satisfas ho ekipa Caboverde ne’ebé mak ita bele dehan katak sira mai ho idade ne’ebé la hanesan ho ita nian, jogu ida ne’e,ohin ami nia ekipa esforsu tomak maibé ita bele hatete katak jogu ho nia forsa ho idade la tuir kompetisaun ne’ebé mak iha”dehan nia ba jornalista sira iha stadium dili.
Treinadór ne’e husu ekipa verifikasaun atu tau atensaun tanba ne’e failansu boot tanba jogu hotu-hotu ekipa futebol TL esforsu másimu lakoi atu lakon tanba preparasaun durante iha treinamentu másmiu tebes.
“ita koko atu kompete ho sira katak ita Timor mós bele atu kompete iha kompetisaun ida ne’e”dehan nia.
Iha fatin hanesan,Treinadór ekipa Caboverde Rui Costa mós agradese ekipa TL ne’ebé mós jogu mais rápida organizadu hodi hasoru nia ekipa.
“TL ekipa ida ne’ebe forte no treinado tebes maibe primeiraves Caboverde manan TL tanba ne’e ha’u espera Caboverde sei tama final bainhira manan portugal iha jogu tuir mai”dehan nia.
Molok ne’e ekipa Caboverde dorota ho 2-0 kontra angola maibe ho jogu daruak kontra TL konsege ultrapasa no TL derota dala rua iha primeiru jogu hasoru portugál 1-0 no segungu jogu hasoru nasaun Caboverde 4-0.
Entretantu durante jogu ekipa Caboverde hatudu tatika no domina bola iha kampu nune’e liu minutu 6,jogador Victor Tomas Monteiro ho númeru kamijola 15 hatama golu dahuluk, no kontinua iha minuto 12, Antonio Pedro Reis ho numero kamijola 7 hatama golu daruak.
Iha minutu 26,jogadór Victor Tomas Monteiro kontinua hatama golu ba dala tolu no ikus liu jogador ho numero 14 hatama golu iha minuto 80, ronde daruak nian.
Ekipa DFM
